Уг блогийн тухай

"Бидний амьдрал илүү сайхан болох болтугай" гэсэн ерөөлөөр уг блогийн анхны бичлэгээ эхлүүлье.Уг блогийг өөрийнхөө бодол санааг бусдад хүргэж үүнээс өөр бусад хүмүүс зөв зүйлийг олж хараасай, мэдээсэй, үүнийгээ өөрийнхөө хийгээд бусдын сайн сайхны тусын тулд зориулаасай гэсэн зорилготойгоор бүтээсэн болно. Нэг ийм үг байдаг. "Түнэр харанхуйг зүхэж суухаар ганц ч гэсэн лаа асаа" гэж. Уул үгийг бүгд шахуу мэдэх биз ээ. Миний бие ч гэсэн дээрх үгийн утга санаан дор нэгийг өгүүлэх болно. Та ч бас алдааг оноог дэнслэн хариу өгүүлнэ гэдэгт би бээр найдаж байна. Түүнчлэн мэдээж энэхүү блог нь миний бие блоггердож байгаа гэсэн утгаараа миний үзэл бодол, эргэцүүллүүдээр бүтээгдэх нь ойлгомжтой. Тэгэхээр миний дотоод ертөнцийн зах зухаас сонирхсон уншигч танд талархлаа илэрхийлье. Гэхдээ миний бичсэн аливаа бичлэг, нийтлэлүүдийг аль болох зөв өнцгөөс нь харж, зөвөөр тунгааж, аливаа таалагдаагүй үг, өгүүлбэр байх аваас гэгээн оюундаа өршөөн соёрхохыг уншигч авхай танаас хичээнгүйлэн хүсье.